Палестина аутономиясының басшысы Ясир Арафат пен премьер министр Ахмед Курей арасындағы келіспеушілік реттелген.

Бұл жөнінде Арафаттың жақын көмекшілерінің бірі Набиль Абу Рудейна сенбі күні хабарлады. Франц пресс агентігіне берген сұхбатында ол, Палестин үкіметі осы айдың соңына дейін жұмысын жалғастыратын болады деген. Хабарларға қарағанда, Палестина басшылығындағы алауыздық негізінен кабинеттің құрамын анықтау мәселесінде туындаған.