Ауғанстан жетекшісі Х.Қарзай қарулы топтарға саяси партиялар құруға тыйым салатын заңды мақұлдады.

КАБУЛ: Ауғанстан жетекшісі Хамид Қарзай қарулы топтарға саяси партиялар құруға тыйым салатын заңды мақұлдады. Жаңа заңға сәйкес, саяси партияларға әскерлендіріліген құрамалар ұстауға және шетелдік қаржы көздерінен қаражат алуға болмайды. Азаматтардың бостандықтары мен құқықтарына қатер төндіріп, тәртіп бұзуға шақырған партиялар заңға қайшы болып табылады. Саяси ұйымдар, сонымен қатар, ислам ережелеріне қарсы шыға алмайды.