Боливияның вице-президенті мен 3 министрі президент Гонсало Санчес де Лосаданың саясатына наразылық ретінде қызметтен кетті.

ЛА ПАС: Латын Америкасының ең кедей елі – Боливияда саяси дағдарыс туды. Дүйсенбі күні елдің вице-президенті және 3 министрі Боливия президенті Гонсало Санчес де Лосаданың саясатына наразылық ретінде қызметтен кетті. Ел астанасы – Ла Паста үкіметтің Чили территориясы арқылы Тынық мұхит жағалауымен өтетін газ құбырын тарту жобасына қарсы наразылық шерулері толастар емес. Боливия ол жобадан түсетін табыстың 18 пайызын ғана алатын көрінеді. Соңғы 2 тәулікте армиямен қақтығыста шеруге шыққан 30-ға жуық адам қаза болды.