Кеше НАТО-ң бас хатшысы Джордж Робертсон европалық одақтастарға өз алдына штаб құрамыз деп қаржы жұмсағаннан гөрі, Одақтың әскери саласын күшейтуге көңіл бөлуге шақырды.

Робертсонның тілшілерге айтқан сөзінде НАТО мен Европа одағының арасындағы пайдасыз жарыс, бәсекелестіктен қашу керек деген. НАТО-ғы 19 елдің елшілері екінші күн қатарынан ЕО-ң қорғаныс саясаты жөніндегі талқылауларды жалғастырған болатын. ЕО-ң сыртқы саясат жетекшісі Хавер Солана бүгінгі таңда әлем НАТО мен ЕО-ң арасындағы тығыз ынтымақтастықты қажет етеді, сондай-ақ ол Европаның мықты қорғаныс қуаты НАТО-ның күш-қуатын арттыратын болады деген.