Техранның ядролық қару таратпау жөніндегі келісімге сай, қосымша хаттамаға қол қою мәселесі енді Иран парламентінде қаралады.

Бүгін Иран президенті Мохамед Хатами ядролық қару таратпау жөніндегі келісімге сәйкес, Техранның қосымша хаттамаға қол қоюуы туралы мәселе Иран парламентінің мақұлдауына жіберілетін болады деп мәлімдеді. Сонымен бірге ол, хаттама жөніндегі мәселе әлі талқыланып жатыр дей келе, бұл құжатқа нақты қашан қол қойылатынын айта алмаймын деген. Кеше Иран өкіметі уранды байыту бағдарламасын тоқтатып, ядролық қару тексерушілердің нысандарды егжей -тегжейлі тексеруіне мүмкіндік беру жөніндегі хаттамға қол қоятынын мәлімдеген. АҚШ президенті Джордж Буш мұны оқиғаның дұрыс бағытта дамуы деп атаған.