Батыс Қазақстан облысының Бөрлі аудандық сотында жеке тұлғалардың банктегі есепшотынан ірі көлемде қаржы жымқыруға байланысты сот тыңдауы өткізілуде.

Тергеу мекемелерінің мәліметіне сәйкес, "Қарашығанақ Петролеум оперейтинг" компаниясы қызметкерлерінің айлық жалақысы аударылып келген банктегі есепшоттар тоналған. Банк қызметкері бастаған бір топ адам басқаның қаржысына заңсыз қол сұғып келген. Жалақы алғандығы жөніндегі құжатқа жасанды қол қою арқылы ақша жымқыру жоспарын әлгі банк қызметкері жасаған,-деп хабарлайды Kazakhstan today.