АЛМАТЫ: Қарашаның 13-14-інде Алматыда Орта Азия мен Каспий теңізі аумағы елдері үшін жеке-меншік кәсіпкерліктің мүмкіндіктерін кеңейту арқылы аймақтағы тұрақтылық пен экономикалық дамуды қамтамасыз ету тақырыбы бойынша семинар өтпек. Ол жиынды БҰҰ-ының Ғаламдық форумы мен Даму бағдарламасы ұйымдастырып отыр. Семинардың жұмысына Орта Азия елдірінің ресми билік өкілдері, ірі жеке компаниялар мен халықаралық ұйымдардың өкілдері қатыспақ. Жиын барысында оған қатысушылар Орта Азия мен Каспий аумағы елдерінің стратегиялық маңызы, 2015-інші жылға дейінгі даму мүмкіндіктері және басқа да маңызды мәселені талдамақ.
