2003-ші жылдағы 10 айдың қорытындысы бойынша “ҚазМұнайГаз” компаниясы 6,5 млн тонна мұнай мен газ конденсатын өндіріп отыр.

Бұл - жоспарланған көлемнің 102,6 пайызын құрайды және өткен жылдың сәйкес кезеңіндегі көрсеткіштен 6,6 пайызға жоғары. Жоспарға қосымша 168,2 мың тонна мұнай мен газ конденсаты өндірілді, деп хабарланды “ҚазМұнайГаз” компаниясының баспасөз қызметінен. Қаңтар-қазан айында “ҚазМұнайГаз” компаниясы жоспарлы 55 миллиард 963 миллион теңгенің орнына 61 миллиард 465 миллион теңге сомасының салығы мен төлемдерін аударып отыр.