Батыс Қазақстанда 5 кітапхана, 3 ауыл клубы және 7 киноқондырғы ашылып, кітапханалар 86,4 мың кітаппен толықты, деп хабарлайды ҚазАқпарат тілшісі облыстық статистика басқармасынан алынған мәліметке сілтеме жасап.

Қазіргі таңда 240 клуб, 5 миллиондай кітап қоры бар 391 көпшілік кітапхана, 52 киноқондырғы, соның ішінде 11 кинотеатр жұмыс жасайды. Тоғыз ай ішінде облыстық театрлар қойған 241 спектакльді 46,5 мың көрермен тамашаласа, 132 концертке 65,0 мың адам келген. Сондай-ақ, музейлер жасаған 40 көрме мен 610 экскурсияны 37,7 мың адам тамашалаған.