БРЮССЕЛЬ: НАТО-ның Бас хатшысы Джордж Робертсон Еуропалық Одақты АҚШ-тың әскери қуатымен бәскелесу ниетінен бас тартуға шақырады. Лорд Дж.Робертсон Еуропаның НАТО-дан тыс қорғаныс құрылымдарын құру туралы Германия мен Франсияның ұсынысын тағы да ащы сынға алды. Еуропарламент депутаттары алдында сөйлеген сөзінде НАТО-ның Бас хатшысы Еуропаны орасан зор, бірақ ешқандай күш-қуаты жоқ “қағаз” армиясы бар “қауқарсыз алпауыт” деп атады. Желтоқсан айында Джордж Робертсон НАТО-ның бас хатшысы лауазымынан кетеді.
