Еуро аумағы елдерінің қаржы министрлері Германия мен Франсияға қарсы жазалау шарасын қолданбау туралы шешімді қолдады.

БРЮССЕЛЬ: Еуро аумағы елдерінің қаржы министрлері өз бюджеттеріндегі қаржы тапшылығының ЕуроОдақ орнатқан межесінен асып түскен Германия мен Франсияға қарсы жазалау шарасын қолданбайтын болып ұйғарды. Оның есесіне Берлин мен Париж - 2005-інші жылға қарай өз бюджеттеріндегі тапшылықты, рұқсат етілгендей, жалпы ішкі өнім көлемінің 3 пайызына тең мөлшерге дейін қысқартуға міндетті. Ол шешімге Еуропалық Орталық банк, Испания, Нидерланды, Финляндия, және Аустрия ерекше наразылық білдірді. Испания премьер-министрі Хосе Мария Аснар әлгі шешім Еуропаның өзі мен экономикасына айтарлықтай соққы берді деп мәлімдеді.