ТАЯУ ШЫҒЫС: Палестинаның премьер-министрі – Израиль өкіметі басқыншылық қимылдарынан бас тартқанда ғана Тель-Авивпен арадағы бітімге келу мүмкін деп мәлімдеуде. Экстремистік топтардың жетекшілерімен Қайырда болған келіссөздерінен кейін Ахмад Кураи осылай деп мәлімдеді. Қайырдан келіп жеткен хабарға сәйкес, белгілі шарттар сақталғанда әлгі топтар Израильдегі террористік іс-әрекеттерінен бас тартуға дайын. Келісссөздердің қорытынды құжатында израильдік жауынгерлер мен Палестина жеріндегі еврей қоныстарына шабуыл жасаудан бас тарту туралы бір сөз айтылмаған.
