Kcell Қазақстанда алты сағаттан астам уақыт жұмыс істемей қалған.

10-желтоқсанда Қазақстандағы бетке ұстар ұялы байланыс желілерінің бірі болып табылатын Kcell 6 сағаттан астам жұмыс істеген жоқ деп хабарлайды KZ-today тілшісі. Kcell операторларының хабарлауынша, техникалық апат салдарынан желі істен шығып, бүкіл ел аумағы бойынша ұялы байланыс жұмыс істеген жоқ. Қазақстандағы ұялы байланыс желісін тұтынушылардың жалпы саны 1,4 млн. адамды құрайды. Ал Kcell компаниясының бұл рыноктағы үлесі 60 процентке жуықтайды.