Иран кеше “Атом қаруын таратпау жөніндегі” халықаралық келісімнің қосымша хаттамасына қол қойды

Құжатты Иран өкілі Али Ақбар Салихи және Халықаралық атом энергетика агенттігінің директоры Мұхамед Эль-Барадей бекітті. Қосымша хаттама бойынша Иранның атом кәсіпорындары кез-келген уақытта тексерілуі мүмкін. Америка Құрама Штаттары, Еуропа Одағы және Ресей оқиғаны жылы қабылдады. АҚШ қосымша хаттамаға қол қою – Иранда атом қаруы жоқ екенін дәлелдеуге бағытталған алғашқы қадам деп сипаттады.