МӘСКЕУ: Бүгін Мәскеудің Басман соты “Менатеп” қаржы тобының жетекшісі әрі “ЮКОС” мұнай компаниясы иелерінің бірі Платон Лебедевті түрмеде ұстау мерзімін ұзарту туралы Ресей Бас прокуратурасының сұрауын қарайды. П.Лебедев “Апатит” компаниясының акцияларын ұрлады және салық төлеуден жалтарды деген айыптар бойынша шілде айында тұтқындалды. Ресейдің монополияға қарсы саясат министрі Илья Южанов кеше “ЮКОС ісін” осы жылдың “ең жағымсыз оқиғасы” деп атады.
