Мәскеу соты бүгін "Юкос" мұнай компаниясының бұрынғы басшысы Михаил Ходорковскийдің мәселесін шешіп, оның наурыз айының соңына шейін қамауда қалу-қалмауын анықтауға тиіс. Ресейдің ең бай адамы Ходорковский салықты толық төлемеді деген айып бойынша қазан айында қамалған. Ходорковскийдің жақтастары мұның барлығын Ресей әкімшілігі ұйымдастырды деп, Ходорковскийдің қазіргі жағдайын оның саяси белсенділігінен көреді.
