Маңғыстау облысындағы қарттар үйі бұдан былай қосымша 50 қартты қамқорлығына қабылдай алады.

АҚТАУ: Маңғыстау облысындағы қарттар үйі бұдан былай қосымша 50 қартты қабылдай алады. Қазақстан тудэй агенттігінің хабарлауынша, бұрынғы қарттардың интернат үйімен қатар тағы бір баспана салынып, пайдалануға берілді. Оның құрылысына облыстық бюджеттен 42 млн. теңге қаражат бөлінді. Қазір қарттар үйінде күтімсіз қалған 40 егде кісі тұратын көрінеді.