Германияда 57 млн. еуро мөлшерінде заңсыз ақшалай сыйлық берді деп айыпталған “Дойче банк”-тің атқарушы директоры Й.Аккерманның соты басталды.

БЕРЛИН: Германияда 57 млн. еуро мөлшерінде заңсыз ақшалай сыйлық берді деп айыпталған “Дойче банк”-тің атқарушы директоры Йозеф Аккерманның үстінен сот процесі басталды. Прокуратураның пікірінше, британдық “Водафон” фирмасының бақылауына өтуге келісім бергені үшін телекоммуникациялық “Маннесман” компаниясының бұрынғы басшыларына ақшалай сыйлық берген Аккерман корпоративтік этиканы бұзды. Аккерманның мәлімдеуінше, сот өзін неміс бизнесінің тарихындағы ең сәтті саудасы үшін жазаға тартпақ. “Маннесман” мен “Водафон” арасындағы сауда 180 млрд. долларды құрады.