Ұлыбритания мен Қазақстан арасындағы әріптестік қарым-қатынастар болашақта бұдан да кең арналарда, жаңа биіктерде дами береді.

Бұл жөнінде Британия Сыртқы істер министрі Жак Строу бүгін Астанадағы баспасөз мәслихатында мәлімдеді. Бүгін басталған сапары мақсаты жөнінде Строу мырза: “Қазақстанмен арадағы байланысымызға Біріккен Корольдік елінің артып отырған үмітінің қаншалықты маңызды екендігін, сондай-ақ аймақтағы тұрақтылық және басқа салалар бойынша Қазақстанның маңызды орынын баса айту үшін мен мұнда келіп отырмын”, - деді.