Бүгін, ақпанның 13-інде Алматыда бас министрдің орынбасары Сауат Мыңбаевтың басшылығымен Мемлекет және нақты экономика мәселелеріне қатысты дөңгелек үстел өтеді, деп хабарлайды ҚазАқпарат агенттігі.

Онда мамандар табиғи байлықты ұқсату мен оны дұрыс пайдалану, Қазақстанның тау-кен, металлургиялық кешенін дамытуды ғылыми-техникалық жағынан мемлекеттік реттеуді жолға қою, жер асты байлықтары саласына қатысты заңнамалар, сондай-ақ, басқа да маңызды мәселелер турасында пікірлер алмаспақ.