АСТАНА: Өткен жылдың соңында ғана жолаушы тасымалдау географиясын Еуропаға қарай кеңейтіп, Қазақстан мен Украина және Чехия арасында тұрақты әуе қатынасын орнатқан “Эйр Қазақстан” ұлттық әуе компаниясы күтпеген жерден дағдарысқа душар болып, мүлде жабылу табалдырығында тұр. Соған байланысты болса керек, ақпанның 18-інде Қазақстан Парламенті Мәжілісінің пленарлық отырысында “Эйр Қазақстан” әуе компаниясындағы ахуал туралы есеп тыңдалмақ. Ол жайында бүгін ҚазААГ-тігіне Мәжілістің баспасөз-қызметінен хабарлады.
