БҰҰ өкілдерінің айтуынша, Ауғанстанда кем дегенде екі қыздар мектебі отқа оранған.

Ол мектептің бірі Фарах, ал екіншісі Бадахшан провинциясында орналасқан екен. Ол шабуылдардың бірі ақпанның 19-да, ал екіншісі наурыздың 2-сінде болған. Хабарларға қарағанда, кісі шығыны жоқ. Алайда мектеп ғимараттарына қатты нұқсан келтірілген. БҰҰ мәліметтеріне қарағанда, Талибан билігі құлатылғалы бергі аралықта 30-дай қыздар мектептеріне от қойылған екен.