ТБИЛИСИ: Грузия Аджария автономиясын экономикалық қыспаққа алды. Грузин премьер-министрі Зураб Жванияның бүгін атап көрсеткеніндей, Қара теңіз жағалауындағы күзет Батумиді қоса алғанда, Аджарияның бүкіл жағалауына бақылау орнатты. Аджария жетекшілері орталық билікті мойындау жөніндегі Тбилисидің кешегі талабын дер кезінде орындамауы себепті, Грузия президенті Михаил Саакашвили автономияны құрлықтан, әуеден және теңізден қыспаққа алды.
