Ирақтағы көтерілісші жауынгерлер 10 шетелдік азаматты, сондай-ақ оңтүстік кореялық бір іскер адамды тұтқында ұстап отыр.

Кепілдікке адам алушылардың бірі кеше бейне таспа арқылы сөйлеген сөзінде, Оңтүстік Корея өкіметі Ирақтағы 600-дей әскерін алып кетпесе, сондай-ақ алдағы уақытта тағы қосымша 3 мың солдат жіберу жөніндегі өз шешімінен қайтпаса, онда әлгі іскер адамның басын алатындықтарын ескерткен болатын. Ойлануға жексенбіден бастап 24 сағат мұрсат беретіндіктерін де жариялаған еді. Мұндай мәлімдемеге қарамастан Оңтүстік Корея өкіметі қосымша әскер күштерін жіберетіндіктерін бүгін хабарлады.