Accessibility links

Гүржістан бас министрі Зураб Жванияның айтуынша, гүржі әскерлері мен Оңтүстік Оссетия күштері арасында бүгін бейсенбіде болған шайқаста екі жүржі сарбазы жараланған.


Бас министрдің мәлімдеуінше, осетиндер бір гүржі сарбазын ұрлап әкеткен. Шайқас Курти және Тамарашени қыстақтары арасында болған.

Ал , сәрсенбі күні Гүржістанның Оңтүстік Оссетия уалаятынан бір топ жікшілдер Венати қыстағына басып кіріп, ол жердегі үкіметтік бейбітшілік күштерін қарусыздандырып 40 шақты сарбазды тұтқындаған болатын. Сондай-ақ, олар қыстақтағы гүржілер тұратын үйлердің бәріне кіріп, тінту жүргізген. Гүржістандағы бұл соңғы күрделі жағдайға орай Ресей сыртқы істер министрлігі өкілі Александр Яковенко екі тарапты сабырлық сақтауға шақырып,

--Заңдық талап нормасын бұзбауға және жағдайды одан әрі ұшықтармауға Мәскеу үндеп отыр, - деген

Ал бұдан бір күн бұрын Гүржі күштері Оңтүстік Оссетияға қару-жарақпен келе жатқан орыс әскерлерін және олардың көліктерінiң жолын кескен болатын. Ресей ол көлік керуеніндегі құрал-жабдықтардың бейбітшілік топтарына арналғандығын айтқанымен, Гүржістан Ресей жікшілдерді қару-жарақпен қамтамасыз етуде, деп айып таққан. 1992-жылдан бері өз тәуелсіздігін жариялаған Оңтүстік Оссетия елін президент Саакашвили Гүржістан құрамына қайта қосу әрекетінде жүр.
XS
SM
MD
LG