Ресей - Грузияның күзет кемелері Абхазия жағалауына заңсыз жақындаған кез-келген кемені атқылайды деген грузин президентінің мәлімдемесін “арандатушылық” деп бағалап отыр.

Ресей Грузияның күзет кемелері Абхазия жағалауына заңсыз жақындаған кез-келген кемені атқылайды деген грузин президенті Михаил Саакашвилидің мәлімдемесін “арандатушылық мәлімдеме” деп бағалап отыр. М.Саакашвили, сонымен қатар, ресейлік туристердің Абхазияға келуіне қарсылық білдірген болатын. Осыған байланысты Ресейдің сыртқы істер министрлігі таратқан мәлімдемеде Грузияның Абхазияда жүрген Ресей азаматтарына зиян тигізетін кез-келген іс-қимылына тиесінше тойтарыс беріледі делінген.