Иран Наджафтағы қақтығыстарға қатысымыз жоқ деді

Ирақтың қасиетті қаласы Наджафтағы көтерілісте шаруамыз жоқ, деп мәлімдеді Иран қорғаныс министрі Әли Шамхани . Бұл туралы Қатарда орналасқан "Әл Жазира" телекомпаниясы хабарлады. Ирақ қорғаныс министрі Хазим Әл Шалаан "Әл Арабия" телекомпаниясына кеше берген сұхбатында Әл-Садрдың әскері Иранда жасалған қарумен соғысып жатыр, Наджафтағы көтерілісті Иранның ұйымдастырғанына дәлел шаш етектен деп айтқан болатын.