Американың бригадалық генералы Эрв Лессэль Наджаф қаласына жасалған бүгінгі шабуылы шиіт мұсылмандарының қасиетті Имам Әли мешітіне бағытталмаған деді. Наджафтың жоғары лауазымды шенеунігі Джодат Кадхим Американың шабуылына наразылық ретінде қызметінен кететінін мәлімдеді. Ал Ирақтың оңтүстігіндегі Басра қаласында мыңдаған шиіттер шабуылға қарсылығын білдіртіп көшеге шыққан. Ирақтың оңтүстігіндегі Әл-Құт қаласында коалиция күштерімен шиіт милициясы арасында болған шайқаста кем дегенде 72 адам қаза болып, 148 адам жаралы болды. Құрбандар арасында бейбіт тұрғындар бар.
