Ирақ дәрігерінің айтуынша, Фаллужа қаласында сәрсенбі күні кешке қарай болған әуе шабуылынан 17 адам қаза болған

Дәрігер Сейфиддин Таха тағы да 6 адам жарақаттанды деген. АҚШ әскерилері құрбан болғандар жөнінде дерек айтпаған, бірақ әуе шабуылы американдық ресмилер әл-Қаида террорлық жүйесімен байланысы бар деп есептейтін, Абу Мусаб әл-Зарқауидің адамдары баспаналады дейтін екі үйдің ғимаратын көздеп жасалғандығын айтқан. Американдықтардың мәлімдеуінше, сәрсенбі күні ертерек Фаллужаның оңтүстігінде Зарқауидің адамдары көзге түскен.