Accessibility links

Қазақстан жұртшылығы ТМД ұйымының қызметі жайлы екіұдай пікірде


Құрылғанына 12 жылдың жүзі болған ТМД ұйымының, осы уақыт ішіндегі қызметі туралы Қазақстан жұртшылығы екіұдай пікірде. Бір топ, Кеңес одағы ыдырағаннан кейін пайда болған жаңа мемлекеттер үшін, кеңес кезінен қалған әлеуметтік-экономикалық байланыстарды сақтап қалуда, аймақтағы тыныштықтың кепілі болуда, ТМД белгілі бір рөл атқарды деп есептейді.

1. - 12 жылдың ішінде ТМД елдерінің бір-бірін түсінетіндей қарым-қатынас орнады деуге болады. 2. –Бір қарым-қатынастар орнаған шығар деп ойлаймын.

Ал екінші бір топ, ТМД өзі өмір сүріп келе жатқан мерзім ішінде, ұйымға мүше елдер үшін маңызды шаруалар атқара қойған жоқ деген пікірде. “Ұйымның ТМД аймағы елдеріндегі қандай нақты шаралары есіңізде қалды” - деген сұраққа бұл топ былай деп жауап береді.

1.

- Білмейді екенмін, одан еш хабарым жоқ. 2.

– Әй, білмеймін бізге ешқандай пайдасы тиіп жатқан жоқ қой, зияны болмаса... 3.

– кезінде Ресей: біз, Украина, Белоруссия жеке боламыз деді, оларынан түк шыққан жоқ. Енді Орта Азиямен қайта бірікпекші. Бірақ содан ТМД-да нақты бір істер істеліп жатыр дегенді естіген емеспін.

Ал ТМД ұйымының болашағына қалай бағалайсыз деген сұраққа сұрау салған азаматтардан мынандай жауап алдық.

1 – ТМД-ның болашағы алда деп ойлаймын, себебі әлі де интеграция, мәселесі, экономикалық-әлеуметтік мәселелердегі ынтымақтастық проблемалары шешімін таппай жатыр. Сондықтан ТМД-ның болашағы алда деп ойлаймын. Мұндай тарихи істер бір күнде шешілмейді, достықты тез жоғалтуға болғанымен оны қайтадан қалпына келтіру өте қиын.

2. – Бірлесіп жұмыс істеуге тиісті ғой одан басқа амал жоқ. Өйткені еуропа елдерімен тең қарым-қатынас жасауға біздің шамамыз жетпейді. Сондықтан ортақ мәселелерді бірге шешкен жөн. Ал “Азаттық” радиосының ТМД басшыларының Астанадағы бас қосуы туралы жұртшылықтың қаншалықты хабардар екендігі туралы сұрағына сұрау салған азаматтар былай дейді. 1.

– Одан хабарым жоқ 2.

– Жоқ, мен естімедім 3.

– Бұлардың кездесуінде заңдылық бар. әлемде өйтіп бас қоспасаң мұндай ірі аймақтағы ортақ проблемаларды шеше алмайсы. Ал ТМД-да проблемалар көп. 4.

– Ол туралы естіген жоқпын. Бірақ келеді деп жатыр еді ғой.

Сұрау қортыныдысы бойынша, сұралған адамдардың көпшілігі, ТМД одағының қызметіне немқұрайды қарайтын және оның қызметінен хабарсыз болып шықты. Соған қарамастан, сұралғандардың көпшілігі ТМД ұйымының алдағы келешегінен, оған мүше елдер үшін, оң өзгерістер күтеді.
XS
SM
MD
LG