Африканың Кот Д"Ивуар елінің астанасы - Абиджанда – ашынған топты қуып тарату үшін Францияның бітімгерлік күштеріне тағы да әуеге оқ атуына тура келді. Кот Д”Ивуар президенті Лоран Гбагбоның жақтастары францұздардың соғыс техникасы шабуылдаған жағдайда оның кеңсесін қорғау үшін “тірі қорған” болып тұрды. Бітімгерлік күштері президент сарайын 1 шақырым жерде бекініп, өздерінің басты мақсаты - баспаналары тоналған шетелдіктерді қорғау деп мәлімдеп отыр. Қызыл Крест ұйымының мәліметі бойынша, бірнеше күндік қақтығыста 500 адам жараланды.
