Британдық ішкі істер министрінің хабарлауынша, премьер-министр Тони Блэрдің үкіметі терроризмге қарсы күрес заңын қатаңдатуды қарастырып отыр. Британ теледидарына берген сұхбатында министр Дэвид Бланкетт терроризм туралы заңға күдіктілерді жюридің қатысуынсыз соттайтын арнайы сот құру бабын енгізу көзделгенін атап көрсетті. Оның айтуынша, Ұлы Британияның терроризмге қарсы күрес заңына келесі жылы өтетін парламент сайлауына дейін өзгеріс енгізіле қоюы екіталай.
