МАГАТЭ Иранның уранды байытатын және ядролық қару жасауға қажетті отын да шығаратын 20 қондырғысын тоқтатқанын растады

Атом энергиясы бойынша халықаралық агенттік – МАГАТЭ – бүгін Иранның уранды байытатын және ядролық қару жасауға қажетті отын да шығаратын 20 қондырғысын тоқтатқанын растады. Бүгін Венада журналистермен кездескенінде МАГАТЭ директоры Мухаммад Әл-Баради өзінің уранды байыту өндірісінің тоқтатылғанын агенттіктің тексеруіне мүмкіндік беру үшін Теһран әлгі 20 қондырғысын МАГАТЭ-нің бақылауына бергенін хабарлады. Бүгін Лондонда британ премьері Тони Блэр еуропалық үш елдің (Ұлы Британия, Германия, Франция) Ираннан өз уәдесінде тұруын талап ететінін атап көрсетті.