Түркия Кипрды іс жүзінде мойындасын деп талап қойылды

Еуропа Одағының саммиті бүгін Брюссельде қысқа үзілістен соң қайта жалғасып жатыр. Басты мәселе – Түркияның одаққа қосылу келіссөздерінің ашылуын белгілеу. Қаулы жобасы бойынша, келіссөздер келесі жылы қазан айында басталмақ. Алайда Түркия алдымен Кипр мемлекетін іс жүзінде мойындасын, тиісті келісімге қол қойсын деп талап айтылды. Түркияның одақ шеңберіндегі мәртебесі дау туғызып отыр. Бүгінгі мәжіліс алдында Түркия бас министрі Тайып Ердоған және Еуропа Одағының кезекті төрағасы Жан Петер Балканенде жабық есік жағдайында кездесті.