Кеше американдық күштердің Фаллужа аймағындағы көтерілісшілерге қарсы ұрыстары кезінде үш теңіз жаяу аскері қаза тапқан

Осыдан алты апта бұрын АҚШ жасақтары көтерілісшілерге қарсы шабуылдарды бастаған кезде қаладан кетіп қалған Фаллужа тұрғындарының бірнеше жүзі кеше өз мекендеріне қайтып келген болатын. Агенттіктердің хабарларына қарағанда, олардың көпшілігі әлі де болса отандарына қайтып оралу қауіпті деп есептейді. Ирақтың солтүстігінде американдық әскерилер сейсенбі күнгі 22 адамды опат еткен жанкештілік жарылыстың себеп-салдарын тексеріп, анықтауды жалғастырды. Генерал Картер Хэмнің айтуынша, бомбамен бірге өзін жарған жанкештінің үстінде Ирақ әскерінің киімі болған көрінеді.