Accessibility links

Үнді мұхитындағы табиғат апатынан зардап шеккен елдерге көмек одан әрі көбейе түсуде


Кең көлемдегі көмектерді жеткізуде қиындықтар да кездесіп жатады. Индонезияның Суматра аралындағы Асех провинциясындағы қаза болғандар саны тағы бірнеше мыңға өсе түсуі мүмкін,-дейді БҰҰ-ның Төтенше жағдайлар бойынша көмектерді үйлестіруші Жан Игланд. Асех провинциясын шолып өткеннен кейін, АҚШ Мемлекеттік хатшысы Колин Пауел апат салдарлары жөнінде былай деді: “Мен соғысты көргенмін, түрлі құйындар мен дауылдардан, торнедолардан кейінгі көмек шараларына қатысқанмын. Бірақ ешқашан мынандай жағдайды көрген емеспін. Банда Асех үстімен ұшып өткенде толқындардың жағалаулардағы барлық нәрсені қалай қиратып өткенін көрдім”,-деді Пауел мырза. Цунами салдарынан қаза болғандар саны 150 мыңға жетіп отыр. Халықаралық қауымдастық болса 2 миллиард пен 3 миллиард доллар аралығында көмек беруге уәде етуде. 10 мыңнан аса, негізінен еуропалық туристер қаза болған немесе жоғалғандар тізімінде тұр.

AzattyqTV

XS
SM
MD
LG