Accessibility links

Хюугенс ғарыш зерттеу кемесі Титан атмосферасына енді


Европа ғарыш агенттігінің Хюугенс зерттеу кемесі жеті жылдық сапардан кейін, Сатурнның ең үлкен серігі -Титан атмосферасына сәтті енді. Ғалымдар ең бір күрделі деген қадам табысты жүзеге асты дейді. Салмағы 320 килограм болатын ғарыш кемесінің бортындағы камералар мен күрделі аппараттар Титанның бет қыртысынан алынған дерек -ақпараттарды Хюугенсті жерден алып барған Кассиниге бағыттайтын болады. Кассини өз кезегінде бұл радиоақпараттарды жердегі ғалымдарға жібереді. Ғалымдар Титанды күн жүйесіндегі атмосфералық қабаты бар бірден -бір планета деп есептейді. Ондағы химия-органикалық процестер Жер бетінде тіршіліктің басталғанынан хабар беретін процестерге ұқсас дейді зерттеушілер. 3 миллиард 300 миллион доллар тұратын Кассини-Хюугенс АҚШ пен европалық-италияндық ғарыш агенттіктерінің бірлескен қызметі.

AzattyqTV

Макронмен кездесу

Путин санкцияны айтты

XS
SM
MD
LG