65 жастағы белгілі адвокат әйел террористермен ауыз жаласты деп айыпталды

Нью-Йорктегі көрнекті адвокатқа террористермен ауыз жаласты деген айып тағылды. Нью-Йорктің федералдық соты 65 жастағы Лайнн Стюарт деген адвокат әйелге өзі қорғап келген Омар Абдиль-Рахманнан оның бостандықтағы үзеңгілестеріне хабар беріп тұрғаны үшін айыпты деп тапты. Көзі көрмейтін мысырлық шайх 1993 жылы халықаралық сауда орталығына жасалған және өзге қастандықтары үшін ғұмырының соңына дейін түрмеге кесілді. Лайнн Стюарт өзіне тағылған айыпты мойындамайды.