Бюджет тапшылығының арта түсуіне қарамастан, АҚШ Конгресі Дж.Буштың қосымша қаржы бөлу сауалын мақұлдайды

АҚШ президенті Дж.Буш Конгресті Америка армиясының Ирақ пен Ауғанстандағы шығындарына қосымша 82 млрд. долларға қаржы бөлуге көндірді. Президенттің Конгреске жолдаған сауалында Үнді мұхитындағы табиғат апатына душар болған Оңтүстік-Шығыс Азия елдеріне, Суданның Дарфур өлкесінің босқындарына, Палестина, Иордания, Пәкістан және Украинаға қаржылай көмек беру бағдарламалары да қарастырылған. Бюджет тапшылығының арта түсуіне қарамастан АҚШ Конгресі Дж.Буштың бұл сауалын қанағаттандырады деп күтілуде.