Вашингтон Мәскеу мен Теһран арасындағы келісімге қарсы болды

МӘСКЕУ-ТЕҺРАН. Жексенбі күні Ресей мен Иран істен шыққан ядролық отынды міндетті түрде Ресейге қайтару туралы келісімге қол қойды. Келісімге сәйкес, Ресей Иранның Бушердегі атом электр станциясына қажетті ядролық отынның экспортын бастауға мүмкіндік алды. Бушердегі атом станциясының құрылысы келесі жылы аяқталуы тиіс. Ядролық отынды Иран ядролық қару жасау үшін пайдалануы мүмкін деп алаңдаған Вашингтон Мәскеу мен Теһран арасындағы бұл келісімге қарсы болды.