Тайвань халқы өзінің тәуелсіздігіне қарсы Қытай күш қолдануды заңдастыра ма деп сескенеді

ТАЙБЭЙ. Бүгін Тайванның оңтүстігіндегі Каошун қаласында 15 мыңнан астам жұрт ресми Пекиннің Қытай Халық Республикасынан осы аралдың бөлінуіне тыйым салатын заң қабылдау ниетіне қарсы наразылық шеруіне шықты. Осы күні Пекинде халық депутаттарының бүкілқытайлық жиыны өтіп жатыр және оның барысында Тайванның тәуелсіздігіне қарсы заң қабылдау көзделіп отыр. Тайвань халқы ондай заң қабылданған күнде, Қытайдың тәуелсіз аралға қарсы күш қолдануына заңдық негіз қаланады деп сескенеді.