Қырғызстанның Нарын аймағын Бішкекпен жалғастыратын жолға жексенбі күні шерушілер тосқауыл қойды

Осылайша шерушілер жергілікті сайлау комиссиясының шешіміне өз наразылығын білдіріп жатыр. Сайлау комиссиясы оппозициядағы жергілікті үміткер Ишенбай Қадырбековты сайлауға қатыстырудан бас тартқан болатын. Оның себебін аталған комиссия “Үміткердің командасы сайлау заңдарын бұзды” деп түсіндірген еді. Қадырбеков мырза комиссия шешіміне орай шағым тапсырды. Сот бұл істі бүгін, дүйсенбі күні қарайтын болады.