Израиль Йерихон және Тулкарм қалаларын бақылау құқығын Палестина әкімшілігіне өткізбек

Израильдің қорғаныс министрі Шауыл Мофаздың айтуынша, Израиль Иордан өзенінің батыс жағалауындағы Йерихон және Тулкарм қалаларының бақылау құқығын жақын күндері Палестина әкімшілігіне өткізбек. Бірақ, министр Мофаз оның нақты мерзімін атамады. Бұл хабар сейсенбі күні Израиль және Ғаза аймағымен екі арадағы Ерез бақылау-тексеру бекетінде Ш.Мофаз бен Палестин автономиясының басшысы Махмұд Аббастың кездесуінен кейін жария етілді.