АҚШ-тың мемлекеттік хатшысы Ауғанстанның демократия бағытындағы қадамдарына жақсы баға берді.

ИСЛАМАБАД: АҚШ-тың мемлекеттік хатшысы Кондолиза Райс Азияға сапарын жалғастырып, бүгін Ауғанстан президенті Хамид Қарзаймен келіссөз өткізу мақсатында Кабулға келеді деп күтілуде. Үндістаннан кейін сәрсенбі күні Исламабадта Пәкістан лидерлерімен кездескен К.Райс Ауғанстанның демократия бағытындағы қадамдарына жақсы баға берді. Оның өзі атап көрсеткендей, Кабулға сапары барысында ол Ауғанстан экономикасын дамыту мен қайта құру жұмыстарының барысын, сондай-ақ ауған үкіметінің есірткі өндірісі мен терроризмге қарсы күресі проблемаларын талдамақшы.