Чешенстан президенті А.Алханов республикада адам құқықтарының аяққа тапталғанын мойындады.

СТРАСБУРГ: Бүгін Чешенстандағы ахуал тақырыбы бойынша Страсбург қаласында өтіп жатқан “дөңгелек үстөлден” тыс айтқан сөзінде Мәскеудің қолдауымен сайланған чешен президенті Алу Алханов республикада адам құқықтарының аяққа тапталғанын мойындады. Оның атап көрсетуінше, өзі бастаған республика үкіметі адам құқының аяқасты болғанын біледі және оны түзеуге әрекет етіп жатыр. Чешенстан үкіметі парламент сайлауын өткізуге және оған елдегі барлық топтардың қатысуымен мейлінше әділ өтуін қамтамасыз етуге дайындалып жатыр, деп мәлімдеді Алу Алханов.