Папа Иоанн Павел ІІ-шімен қоштасу одан әрі жалғасуда

Папа Иоанн Павел ІІ-шінің денесі әулие Петр храмына қойылған. Мұнда толассыз келіп жатқан жүздеген мың адам тәуліктің 3 сағатынан басқа уақытта марқұм папамен соңғы рет қоштасып қалуға мүмкіндік алады. Жерлеу рәсімі жұма күні, жергілікті уақыт бойынша сағат 1-де, ашық аспан астында өтпекші. Әлемнің әро түкпірінен жиналатын 200-ден аса басшы, соның ішінде БҰҰ бас хатшысы Кофи Аннан және АҚШ елбасы Джордж Буш та бар, осы қоштасу рәсіміне қатысады деп жоспарланып отыр. Ватикан дәстүріне орай, папаның денесі әулие Петр храмында жерленетін болады.