Ауғанстан ішкі істер министрі Әли Ахмад Жалалидің айтуынша, өткен айдағы шайқастарда кемінде 12 полиция қызметкері және жүзден астам бүлікшіл қаза тапқан

Министрдің айтуынша, соңғы кездері тәліп бүлікшілдері шетелдік және ауғанстандық әскерлерге өз шабуылдарын жиілете бастаған.

- Ауа-райы реттеле бастағаннан кейін, лаңкестер Ауғанстандағы өз белсенділігін артыра бастады. Бұл, әсіресе, оңтүстік және оңтүстік-шығыстағы аудандарға қатысты. Бірақ, қауіпсіздік күштері оларға қарсы дер кезінде соққы бере алған, - дейді ішкі істер министрі.