Әзірбайжан мен Иранның қорғаныс министрлері Таулы Қарабах мәселесін талқылайды

ТЕҺРАН. Әзірбайжанның қорғаныс министрі Сафар Әбиев Иран Ислам Республикасының қорғаныс министрі Әли Шамханимен келіссөз өткізу үшін бүгін Теһранға сапарға барады. Екі елдің қорғаныс министрлері екі жақты қарым-қатынастардың ауқымын кеңейту, оның ішінде әскер саласындағы ынтымақтастық мәселелерін талдамақшы. Келіссөз барысында Таулы Қарабах маңайындағы әзірбайжан-армян жанжалы да сөз болуға тиіс.