Франция президенті Жак Ширак бас министр Раффареннің қызметтен кету туралы арызын қабылдады

- Бүгін Франция елбасы Жак Ширак менің үкімет басынан кету жөніндегі арызымды қабылдады. Бірақ, бұл шешім ЕуроОдақ Ата заңы бойынша өткен референдумға қатысты емес, – деді Жан Пьер Раффарен.

Раффарен елдегі экономикалық мәселеге байланысты көптеген сынға кезіккен болатын. Президент Ширак жаңа серпін берер деген сеніммен 51 жастағы Виллепинді үкімет басына тағайындады. Ол сәрсенбіде үкімет құрамын жаңадан жасақтайды деп күтілуде.