Ресей, Қытай және Үндістан сыртқы істер министрлері Азиядағы жағдайды талқыламақ

МӘСКЕУ. Бүгін Ресей мен Қытай сыртқы істер министрлері Ресейдің Владивосток қаласында кездесті. Бұл кездесу екі ел арасында шекара мәселелері бойынша құжат бекітілген соң болып отыр. Ресей сыртқы істер министрі Сергей Лавров бұл құжаттың бекітілуі қауіпсіздік мәселесіндегі маңызды шара болды дейді. Ал бейсенбіде Үндістан сыртқы істер министрі де Владивостокқа келеді. Аталған үш елдің министрлері ынтымақтастық мәселелері мен Азия аймағындағы жағдайды талқылайды.